വോട്ടിംഗ് മെഷീൻ കമ്മിഷനിംഗ് നാളെ

ആലപ്പുഴ: ജില്ലയിലെ പോളിംഗ് സ്റ്റേഷനുകളിലേക്ക് അനുവദിച്ച ഇലക്ട്രോണിക് വോട്ടിംഗ് മെഷീനുകളുടെ കമ്മീഷനിംഗ് (ബാലറ്റ് യൂണിറ്റിൽ ബാലറ്റ് പേപ്പർ ഉറപ്പിക്കൽ, വിവിപാറ്റ് മെഷീനിൽ ചിഹ്നം അപ്‌ലോഡ് ചെയ്യൽ തുടങ്ങിയ പ്രവർത്തനങ്ങൾ) നാളെ നടക്കും. ഈ പ്രവർത്തനങ്ങൾക്ക് നിയുക്തരായ ജീവനക്കാരുടെ പരിശീലനവും മോക് ട്രയലും നിയമസഭാ മണ്ഡലങ്ങളിലെ വിതരണ കേന്ദ്രങ്ങളിൽ നടന്നു.ജില്ലാ കളക്ടർ കെ.ഇമ്പശേഖർ എല്ലാ വിതരണ കേന്ദ്രങ്ങളിലും എത്തി പുരോഗതി വിലയിരുത്തുകയും നിർദ്ദേശങ്ങൾ നൽകുകയും ചെയ്തു. കുട്ടനാട് നിയമസഭാ മണ്ഡലത്തിൽ പൊതു നിരീക്ഷകൻ മോഹൻ ഗാന്ധിയും പങ്കെടുത്തു.