ആണ്ട് നേർച്ചയ്ക്ക് കൊടിയേറി

അമ്പലപ്പുഴ: പുറക്കാട് പഴയങ്ങാടി മുസ്‌ലിം ജമാഅത്തിൽ അസ്സയ്യിദ് അഹമ്മദ് രി ഖാബ് (കറുത്ത തങ്ങൾ ) ആണ്ട് നേർച്ചയ്ക്ക് കൊടിയേറി. ഏപ്രിൽ 11 ന് സമാപിയ്ക്കും. 7 വരെ എല്ലാ ദിവസവും മഖ്ബറ സിയാറത്ത്, ഖുർ ആൻ പാരായണം, ഖുത്തുബിയ്യത്ത്, റാത്തീബ്, മൗലൂദ് പാരായണം എന്നിവ നടക്കും. 8ന് വൈകിട്ട് 7 ന് ആണ്ട് നേർച്ച സമ്മേളനം ചീഫ് ഇമാം മുഹമ്മദ് ഹാരീസ് ഉദ്ഘാടനം ചെയ്യും. ജമാ അത്ത് പ്രസിഡന്റ്ിന് എ സലീം അദ്ധ്യക്ഷത വഹിക്കും. 9 ന് വൈകിട്ട് 4.30 ന് സ്വലാത്ത് മജ്ലിസ് ആലപുഴ മസ്താൻ പള്ളി ചീഫ് ഇമാം സയ്യിദ് അഹമ്മദുൽ അമീൻ ബാഫഖി അൽ അസ്ഹരി തങ്ങൾ നേതൃത്വം നൽകും. തുടർന്ന് രാത്രി 8ന് കൊല്ലം അനസ് ബാഖവി മത പ്രഭാഷണം നടത്തും.