സെന്റ് തോമസ് തീർത്ഥാടന ദൈവാലയ തിരുനാൾ

പയ്യന്നൂർ:സെന്റ് തോമസ് തീർത്ഥാടന ദൈവാലയ തിരുനാളിന് ഇന്ന് വൈകീട്ട് അഞ്ചേ കാലിന് ഇടവക വികാരി ഫാദർ ജോൺ മുണ്ടോളിക്കൽ കൊടിയേറ്റും. വിശുദ്ധ കുർബാന, വചനസന്ദേശം, നൊവേന, മദ്ധ്യസ്ഥ പ്രാർത്ഥനകൾ എന്നിവ ഉണ്ടാകും.11ന് വൈകീട്ട് 5ന് ചെറുപുഷ്പ മിഷൻ ലീഗ് അതിരൂപത ഡയറക്ടർ ഫാദ‌ർ ജിതിൻ വയലുങ്കൽ വചനസന്ദേശം നൽകി വിശുദ്ധ കുർബാനക്ക് നേതൃത്വം നൽകും. സമാപന ദിനമായ 12ന് രാവിലെ 9ന് വിശുദ്ധ കുർബാന , പ്രദക്ഷിണം. തലശ്ശേരി സെന്റ് ജോസഫസ് മൈനർ സെമിനാരി വൈസ് റെക്ടർ ജോസഫ് മാളക്കാരൻ നേതൃത്വം നൽകും. ഉച്ചക്ക് സ്നേഹ വിരുന്ന്.വാർത്താസമ്മേളനത്തിൽ ഫാദർ ജോൺ മുണ്ടോളിക്കൽ, ജോസ് പള്ളിത്തറ , സെബാസ്റ്റ്യൻ തോട്ടുങ്കൽ , ജോയി മുരിങ്ങയിൽ ,ജോർജ് പാലായിക്കുടിയിൽ , ജോർജ് കരിയിൽ , ജോയി ഓരത്തേൽ സംബന്ധിച്ചു.