വീട്ടിൽ അതിക്രമിച്ച് കയറി കവർച്ച: പ്രതി പിടിയിൽ

കഴക്കൂട്ടം: കഠിനംകുളത്ത് മാരകായുധങ്ങളുമായി വീട്ടിൽ അതിക്രമിച്ച് കയറി,​യുവാവിനെ ഭീഷണിപ്പെടുത്തി പണവും മൊബൈൽ ഫോണും കവർന്ന കേസിലെ മൂന്നാം പ്രതി പിടിയിൽ.സെന്റ് ആൻഡ്രൂസ് സെന്റ് സേവ്യേഴ്സ് കോളേജ് ജിനേഷ് നിലയത്തിൽ ജോബിൻ ജോർജാണ് (23) അറസ്റ്റിലായത്.

ചാക്ക ഐ.ടി.ഐയ്ക്ക് സമീപത്തുനിന്നാണ് കഠിനംകുളം പൊലീസ് ജോബിനെ കസ്റ്റഡിയിലെടുത്തത്. ​ചാന്നാങ്കര സ്വദേശിയുടെ വീട്ടിൽ അതിക്രമിച്ച് കയറിയ പ്രതികൾ,​വീട്ടുടമയുടെ കഴുത്തിൽ വെട്ടുകത്തിവച്ച് ഭീഷണിപ്പെടുത്തി പണം ആവശ്യപ്പെടുകയും മൊബൈൽ ഫോൺ തട്ടിയെടുത്ത് കവർച്ച നടത്തുകയുമായിരുന്നു.

സംഭവശേഷം ഒളിവിലായിരുന്നു ജോബിൻ.​ആറ്റിങ്ങൽ ഡിവൈ.എസ്.പി ജി.സന്തോഷിന്റെ നിർദ്ദേശപ്രകാരം കഠിനംകുളം ഐ.എസ്.എച്ച്.ഒ സുനുമോന്റെ നേതൃത്വത്തിൽ എസ്.ഐ സന്തോഷ്, ജി.എസ്.ഐ അബ്ദുൾ സലിം,ജി.എസ്.സി.പി.ഒ ഹാഷിം,സി.പി.ഒമാരായ ദീപക്,വിശാഖ് എന്നിവരടങ്ങിയ സംഘമാണ് പ്രതിയെ വലയിലാക്കിയത്. ആറ്റിങ്ങൽ കോടതിയിൽ ഹാജരാക്കിയ പ്രതിയെ 14 ദിവസത്തേയ്ക്ക് റിമാൻഡ് ചെയ്തു.