വൈശാഖ യജ്ഞ ഉത്സവത്തിന് തുടക്കം

അമ്പലപ്പുഴ: അമ്പലപ്പുഴ ശ്രീകൃഷ്ണ സ്വാമി ക്ഷേത്രം നാടകശാലയിൽ വൈശാഖ യജ്ഞോത്സവത്തിന് തുടക്കമായി. ക്ഷേത്രം അഡ്മിനിസ്ട്രേറ്റീവ് ഓഫീസർ എൻ.അജിത്കുമാർ ഭദ്രദീപം കൊളുത്തി. മേയ് 7വരെ അഖണ്ഡനാമ ജപയജ്ഞം,പിഴിഞ്ഞുപായസംവിതരണം,നഗരപ്രദക്ഷിണ നാമജപ ഘോഷയാത്രയും, 8 മുതൽ 14 വരെ ഭാഷാ ഭാഗവത സപ്താഹയജ്ഞം,15,16 തീയതികളിൽ രാമായണ യജ്ഞം,​ 17 മുതൽ 23 വരെ നാരായണീയം പാരായണം, ജയദേവ ചരിതംപാരായണം,24ന് ലക്ഷാർച്ചന,പുഷ്പാഭിഷേകം എന്നിവ നടക്കും. ഭഗവാന് അഷ്ടാഭിഷേകം,പഞ്ചാമൃതാഭിഷേകം, മഹാദേവന് അഷ്ടാഭിഷേകം,ഭഗവതിക്ക് ഉടയാട സമർപ്പണം,അഷ്ടദ്രവ്യ മഹാഗണപതി ഹോമം,ലക്ഷ്മി നാരായണപൂജ എന്നിവയാണ് മറ്റ് പ്രധാന ചടങ്ങുകൾ.