യുവാവിന് 4 വർഷം തടവും പിഴയും

ആലപ്പുഴ: മയക്കുമരുന്ന് കേസിലെ പ്രതിക്ക് 4 വർഷം കഠിനതടവും 25000 രൂപ പിഴയും. പുന്നപ്ര അറവുകാട് രോഹിണി നിവാസിൽ വിഷ്‌ണുവിനെയാണ് (30) ആലപ്പുഴ അഡീഷണൽ ജില്ലാ ജഡ്ജി എസ്.ഭാരതി ശിക്ഷിച്ചത്. 2019 സെപ്തംബർ 3ന് ദേശീയപാത 66ൽ പുന്നപ്ര ജംഗ്ഷന് സമീപം വച്ച് 66ഗ്രാം നൈട്രാസെപ്പാം ഗുളികകളുമായി എക്സൈസ് സർക്കിൾ ഇൻസ്പെക്ടറായിരുന്ന വി.റോബർട്ട് സംഘവുമാണ് വിഷ്ണുവിനെ അറസ്റ്റ് ചെയ്തത്. നിരവധി ലഹരിക്കേസുകളിൽ പ്രതിയായ വിഷ്ണു കച്ചവടത്തിനായെത്തിച്ചപ്പോഴാണ് പിടിക്കപ്പെട്ടത്. പ്രോസിക്യൂഷൻ വേണ്ടി അഡീഷണൽ പബ്ലിക് പ്രോസിക്യൂട്ടർ എസ്.എ ശ്രീമോൻ ഹാജരായി.