മോദിക്ക് നന്ദി : നെതന്യാഹു (ദേശാന്തരം)​

ജറൂസലം: കൊവിഡ്​ പ്രതിരോധത്തിനായി ഇന്ത്യയിൽ നിന്ന് മരുന്നുകൾ അയച്ചതിന് പ്രധാനമന്ത്രി നരേന്ദ്രമോദിക്ക് നന്ദി പറഞ്ഞ് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു.

'ഇസ്രയേലിലെ മുഴുവൻ പൗരൻമാരും ഇതിന്​ നന്ദി പറയുന്നുവെന്നും' നെതന്യാഹു ട്വീറ്റ് ചെയ്തു.

ചൊവ്വാഴ്​ചയാണ്​ ഇന്ത്യയിൽ നിന്നുള്ള അഞ്ച്​ ടൺ മരുന്നുകൾ ഇസ്രായേലിലെത്തിയത്​. മരുന്ന്​ നിർമാണത്തിനുള്ള അസംസ്​കൃത വസ്​തുക്കളും കൊവിഡ്​ ചികിത്സയ്ക്ക്​ ഉപയോഗിക്കാമെന്ന്​ കരുതുന്ന ഹൈഡ്രോക്​സി ക്ലോറോക്വിനും അതിലുണ്ടായിരുന്നു. ലോകത്ത്​ ഏറ്റവും അധികം ഹൈഡ്രോക്​സിക്ലോറോക്വിൻ ഉൽ​പാദിപ്പിക്കുന്ന രാജ്യമാണ്​ ഇന്ത്യ. മുപ്പതിലേറെ രാജ്യങ്ങൾ ഇന്ത്യയിൽ നിന്നുള്ള മരുന്ന്​ ആവശ്യ​പ്പെട്ടിട്ടുണ്ട്.