ആരാധനാലയങ്ങൾ തുറക്കാൻ ബംഗാൾ

ന്യൂഡൽഹി:കൊവിഡ് ഇളവുകളുടെ ഭാഗമായി ജൂൺ ഒന്നുമുതൽ ആരാധാനാലയങ്ങൾ തുറക്കാൻ പശ്ചിമബംഗാൾ തീരുമാനിച്ചു. ഒരേസമയം പത്തുപേരിൽ കൂടുതൽ പാടില്ല.

-ബംഗാൾ മന്ത്രി സുജിത് ബോസിനും ഭാര്യയ്ക്കും വീട്ടുജോലിക്കാരിക്കും കൊവിഡ് സ്ഥിരീകരിച്ചു

-കൊൽക്കത്തയിലെ യുദ്ധകപ്പൽ നിർമ്മാണ ശാലയായിലെ സി.ഐ.എസ്.എഫ് ജവാൻ സുശാന്തകുമാർ ഘോഷ് ( 58)​ കൊവിഡ് ബാധിച്ച് മരിച്ചു. ഇവിടെ മരിക്കുന്ന രണ്ടാമത്തെ സി.ഐ.എസ്.എഫുകാരനാണ്. രാജ്യത്ത് സി.ഐ.എസ്.എഫിലെ നാലാമത്തെ മരണമാണിത്.

-തമിഴ്‌നാട്ടിൽ രോഗമുക്തി 54.4 ശതമാനമാണെന്നും ഇത് രാജ്യത്തെ ഉയർന്നനിരക്കാണെന്നും മുഖ്യമന്ത്രി എടപ്പാടി പളനിസാമി.

-ഡൽഹി എയിംസിൽ രണ്ടു റസിഡന്റ് ഡോക്ടർമാർ ഉൾപ്പെടെ 11 ആരോഗ്യപ്രവർത്തകർക്ക് കൂടി കൊവിഡ്. എയിംസിൽ കൊവിഡ് ബാധിക്കുന്ന ആരോഗ്യപ്രവർത്തകരുടെ എണ്ണം 206 ആയി. -ഡൽഹിയിലെ എൻഫോഴ്‌സ്‌മെന്റ് ഡയറക്ടറേറ്റിലെ ജൂനിയർ ഉദ്യോഗസ്ഥന് കൊവിഡ്. ഇ.ഡിയിലെ ആദ്യ കൊവിഡ് കേസാണിത്. -മഹാരാഷ്‌ട്രയിൽ 24 മണിക്കൂറിനിടെ 116 പൊലീസുകാർക്ക് കൂടി കൊവിഡ്. സംസ്ഥാനത്ത് ആകെ

2211 പൊലീസുകാർക്ക് രോഗം. മുംബയിൽ ഒരു ഹെഡ് കോൺസ്റ്റബിൾ കൂടി മരിച്ചതോടെ പൊലീസിലെ കൊവിഡ് മരണം 25.