മഹിള കോൺഗ്രസ് അദ്ധ്യക്ഷ സുഷ്‌മിത ദേവിന് കൊവിഡ്

ഗുവാഹത്തി: മഹിളാ കോൺ​ഗ്രസ് ദേശീയ അദ്ധ്യക്ഷയും മുൻ എം.പിയുമായ സുഷ്മിത ദേവിന് കൊവിഡ് സ്ഥിരീകരിച്ചു. കോൺ​ഗ്രസ് ദേശീയ വക്താവ് കൂടിയാണ് സുഷ്മിത. ഇവരെ സിൽച്ചാർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

തനിക്ക് കൊവിഡ് സ്ഥിരീകരിച്ചെന്നും എന്നാൽ ലക്ഷണങ്ങളൊന്നുമില്ലായിരുന്നുവെന്നും സുഷ്മിത ട്വിറ്ററിൽ കുറിച്ചു. കൊവിഡ് വാർത്ത പുറത്തുവന്നതിന് പിന്നാലെ രാഹുൽ ​ഗാന്ധിയും പ്രിയങ്ക ​ഗാന്ധിയും സുഷ്മിതയുടെ ആരോ​ഗ്യസ്ഥിതികൾ അന്വേഷിച്ച് രം​ഗത്തെത്തി.

അതേസമയം, ലോകത്ത് രണ്ട് ലക്ഷത്തി ഇരുപതിനായിരത്തിലേറെ പേർക്കാണ് പുതുതായി കൊവിഡ് സ്ഥിരീകരിച്ചത്. അഞ്ച് ലക്ഷത്തി അമ്പത്തി ആറായിരം പേർ മരിച്ചു. അയ്യായിരത്തി മുന്നൂറിലേറെ പേരാണ് ഇന്നലെ മാത്രം മരിച്ചത്. ആകെ കൊവിഡ് ബാധിതരുടെ എണ്ണം ഒരുകോടി ഇരുപത്തിനാല് ലക്ഷത്തിലേക്ക് എത്തുകയാണ്.