ജപ്പാനിൽ ഭൂചലനം

ടോക്കിയോ: ജപ്പാനിലെ മിയാഗിയിൽ ശക്തമായ ഭൂചലനം. ശനിയാഴ്​ച രാവിലെ 8.14 ഓടെയാണ് ഭൂചലനം അനുഭവപ്പെട്ടത്. റിക്​ടർ സ്​കെയിലിൽ 6.1 രേഖപ്പെടുത്തി.സുനാമി മുന്നറിയിപ്പ് നൽകിയിട്ടില്ല. നാശനഷ്​ടമോ ആളപായമോ ഇതുവരെ റിപ്പോർട്ട്​ ചെയ്​തിട്ടില്ല. ജപ്പാൻ തലസ്ഥാനമായ ടോക്കിയോയിൽ നിന്ന് 407 കിലോമീറ്റർ വടക്കുകിഴക്ക് ആണ് ഭൂകമ്പത്തിന്റെ പ്രഭവകേന്ദ്രമെന്നാണ് റിപ്പോർട്ട്. ഉപരിതലത്തിൽ നിന്ന് 47 കിലോമീറ്റർ താഴ്ചയിലാണ് ഭൂകമ്പം ഉണ്ടായത്. തീരദേശത്ത്​ തിരമാലകൾ ഉയരാൻ സാദ്ധ്യതയുണ്ടെന്നും തീരപ്രദേശത്തുള്ളവർ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്.