കൊവിഡ് ചികിത്സയ്ക്കുപോയ ആളിന്റെ ബൈക്ക് മോഷ്ടിച്ചു

ആറ്റിങ്ങൽ: കൊവിഡ് ചികിത്സക്കുപോയിരുന്ന ആളിന്റെ ബൈക്ക് (കെ.എൽ 02 എ.ഇ 2168) മോഷണം പോയതായി പരാതി. ആറ്റിങ്ങൽ കെ.എസ്.ആർ.ടി.സി ബസ് സ്റ്റാൻഡിന് സമീപത്തെ വസ്ത്ര വ്യാപാര സ്ഥാപനത്തിലെ ചില സ്റ്റാഫുകൾക്ക് ഒരാഴ്ച മുമ്പ് കൊവിഡ് സ്ഥിരീകരിച്ചതിനെ തുടർന്ന്,​ കൊവിഡ് സെന്ററിലേക്ക് പോയ ആളിന്റെ ബൈക്ക് വലിയകുന്ന് ആശുപത്രി വളപ്പിൽ സൂക്ഷിച്ചിരുന്നു. ഇതാണ് കാണാതായത്. പരിശോധന ഫലം നെഗറ്റീവായി വാഹനം എടുക്കാൻ എത്തിയപ്പോഴാണ് മോഷണ വിവരം അറിയുന്നത്. ആറ്റിങ്ങൽ പൊലീസ് കേസെടുത്തു.