പട്ടികജാതിക്കാരന് മർദ്ദനം: സി.പി.ഐ നേതാവ് കുടുങ്ങി

അഞ്ചൽ: പട്ടികജാതിക്കാരനെ മർദ്ദിച്ച കേസുമായി ബന്ധപ്പെട്ട് സി.പി.ഐ ജില്ലാ കമ്മിറ്റി അംഗവും ഇടമുളയ്ക്കൽ ഗ്രാമപഞ്ചായത്ത് മുൻ പ്രസിഡന്റുമായ കെ.സി. ജോസിനെ പൊലീസ് അറസ്റ്റു ചെയ്തു. പുനലൂർ ഡി.വൈ.എസ്.പിയുടെ നേതൃത്വത്തിലുള്ള സംഘമാണ് ഇയാളെ അറസ്റ്റു ചെയ്തത്. കഴിഞ്ഞ ആഗസ്റ്റ് 9 നാണ് കേസിനാസ്പദമായ സംഭവം നടന്നത്. മർദ്ദിച്ച് മുറിവേൽപ്പിക്കുകയും ജാതിപ്പേര് വിളിച്ച് അപമാനിക്കുകയും ചെയ്തെന്ന് കാട്ടി പൊടിയാട്ടുവിള കുരുവിക്കുന്ന് കോളനിയിൽ സന്തോഷ് ഭവനിൽ തമ്പി നൽകിയ പരാതിയിലാണ് അറസ്റ്റ്. പുനലൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.