സൂര്യയുടെ ഓഫിസിന്​​ വ്യാജ ബോംബ്​ ഭീഷണി

ചെ​ന്നൈ: നടൻ സൂര്യയുടെ ഓഫീസിന്​ വ്യാജ ബോംബ്​ ഭീഷണി. ആൽവാർ പേട്ടിലെ സൂര്യയുടെ ഓഫീസ്​ കെട്ടിടത്തിൽ ബോംബ്​ വച്ചതായാണ് പൊലീസ്​ സ്​റ്റേഷനിലേക്ക് ഫോൺവിളിയെത്തിയത്. എന്നാൽ, ആഴ്​ചകൾക്ക്​ മുമ്പ്​ സൂര്യയുടെ ഓഫീസ്​ കെട്ടിടം അഡയാറിലേക്ക്​ മാറ്റിയിരുന്നു. സന്ദേശം ലഭിച്ചയുടൻ പൊലീസും ബോംബ്​ സ്​ക്വാഡും ഓഫീസിലെത്തി പരിശോധന നടത്തിയപ്പോഴാണ് ഭീഷണി വ്യാജമാണെന്ന്​ വ്യക്തമായത്. ഫോൺ വിളിച്ചയാളെ കണ്ടെത്താൻ ശ്രമം തുടങ്ങി. നേരത്തേ രജനീകാന്ത്​, വിജയ്​, അജിത്​ എന്നീ താരങ്ങളുടെ വീടുകളിൽ ബോംബ്​ വച്ചിട്ടുണ്ടെന്ന വ്യാജ സന്ദേശം പൊലീസിന്​ ലഭിച്ചിരുന്നു.