ബംഗാളിൽ കരുത്തറിയിച്ച്​ ഇടത്,​ കോൺഗ്രസ്​ സംയുക്ത റാലി

കൊൽക്കത്ത: നിയമസഭാ തിരഞ്ഞെടുപ്പ്​ പ്രചാരണത്തിന്റെ ഭാഗമായി ബംഗാളിൽ കരുത്തറിയിച്ച് ഇടത്- കോൺഗ്രസ് സഖ്യത്തിന്റെ നേതൃത്വത്തിൽ മൂന്നാം മുന്നണിയുടെ കൂറ്റൻ റാലി നടന്നു. കൊൽക്കത്ത ബ്രിഗേഡ്​ പരേഡ്​ ഗ്രൗണ്ടിൽ നടന്ന സമ്മേളനത്തിൽ പതിനായിരങ്ങൾ പങ്കെടുത്തു. സി.പി.എം ജനറൽ സെക്രട്ടറി സീതാറാം യെച്ചൂരി റാലിയെ അഭിസംബോധന ചെയ്തു. കോൺഗ്രസ്​ സംസ്ഥാന പ്രസിഡന്റ്​ അധീർ രഞ്​ജൻ ചൗധരി, ​കോൺഗ്രസ്​ നേതാവും ഛത്തീസ്​ഗഡ്​ മുഖ്യമ​ന്ത്രിയുമായ ഭൂപേഷ്​ ബാഗൽ,​ ഐ.എസ്​.എഫ്​ നേതാവ്​ അബ്ബാസുദ്ദീൻ സിദ്ധിഖി തുടങ്ങിയവരും പങ്കെടുത്തു. ശനിയാഴ്ച മുതൽ സംസ്ഥാനത്തിന്റെ വിവിധ ഭാഗങ്ങളിൽ നിന്ന് നിരവധിപ്പേർ റാലിയിൽ പങ്കെടുക്കാനായി ട്രെയിനിലും ബസുകളിലുമായി ബ്രിഗേഡ്​ ഗ്രൗണ്ടിലേക്കെത്തിയിരുന്നു.