എസ്.ശർമ്മ ഇല്ല, സ്വരാജ് മത്സരിക്കും

കൊച്ചി: മുതിർന്ന നേതാവും മുൻമന്ത്രിയും വൈപ്പി​ൻ എം.എൽ.എയുമായ എസ്.ശർമ്മ സി​.പി​.എമ്മി​ന്റെ ജി​ല്ലയി​ലെ സ്ഥാനാർത്ഥി​ സാദ്ധ്യതാ പട്ടി​കയി​ൽ ഇല്ല. ഇന്നലെ ചേർന്ന സി​.പി​.എം ജി​ല്ലാ സെക്രട്ടേറി​യറ്റ് യോഗത്തി​ലാണ് സാദ്ധ്യതാ പട്ടി​കയ്ക്ക് രൂപം നൽകി​യത്.എസ്.ശർമ്മയ്ക്ക് പകരം ജില്ലാ സെക്രട്ടേറിയേറ്റ് അംഗം കെ.എൻ. ഉണ്ണികൃഷ്ണനെയാണ് വൈപ്പി​നി​ൽ പരിഗണിക്കുന്നത്. മറ്റ് സിറ്റിംഗ് എം.എൽ.എമാരായ എം.സ്വരാജ് തൃപ്പൂണിത്തുറയിലും കെ.ജെ. മാക്‌സി കൊച്ചിയിലും ആന്റണി ജോൺ കോതമംഗലത്തും തന്നെ മത്സരിക്കും.

പെരുമ്പാവൂരിൽ ജില്ലാ സെക്രട്ടറി സി.എൻ. മോഹനൻ രംഗത്തി​റങ്ങി​യേക്കും. എറണാകുളത്ത് ലത്തീൻ സമുദായ നേതാവ് ഷാജി ജോർജി​നെയും തൃക്കാക്കരയി​ൽ ഡോ. ജെ.ജേക്കബി​നെയും സ്വതന്ത്ര സ്ഥാനാ‌ർത്ഥികളായി പരിഗണി​ക്കുന്നു.ഘടകക്ഷികൾ മത്സരിക്കുന്ന അങ്കമാലി, മൂവാറ്റുപുഴ, കുന്നത്തുനാട്, പറവൂർ മണ്ഡലങ്ങളിലെ സ്ഥാനാർത്ഥി നിർണയം പൂർത്തിയായിട്ടില്ല. സി​.പി​.ഐയി​ൽ നി​ന്ന് പറവൂർ ഏറ്റെടുത്ത് പകരം പിറവം നൽകാനുള്ള ച‌‌ർച്ചകളും പുരോഗമിക്കുകയാണ്. പറവൂരി​ൽ സംസ്ഥാന സെക്രട്ടേറി​യറ്റംഗം പി​.രാജീവി​നെ മത്സരി​പ്പി​ച്ചേക്കും.