സർക്കാർ ജീവനക്കാരനായതുകൊണ്ട് ശിക്ഷയ്ക്ക് പ്രത്യേകം ഇളവില്ല: സുപ്രീംകോടതി

ന്യൂഡൽഹി: അഴിമതിക്കേസുകളിൽ തക്കതായ ശിക്ഷ നൽകണമെന്നും സർക്കാർ ജീവനക്കാരാണ് അതിൽ ഉൾപ്പെട്ടിരിക്കുന്നതെന്നത് പരിഗണിച്ച് ശിക്ഷയിൽ ഇളവ് നൽകേണ്ടതില്ലെന്ന് നിരീക്ഷിച്ച് സുപ്രീംകോടതി.

1988ലെ അഴിമതി തടയൽ നിയമത്തിൽ സർക്കാർ ജീവനക്കാർക്ക് ഇളവ് നൽകണമെന്ന വ്യവസ്ഥയില്ലെന്നും ജസ്റ്റിസുമാരായ ഡി.വൈ. ചന്ദ്രചൂഡ്,​ എം.ആർ. ഷാ എന്നിവരുൾപ്പെട്ട ബെഞ്ച് വ്യക്തമാക്കി. ഭവന നിർമ്മാണവുമായി ബന്ധപ്പെട്ട കൈക്കൂലി കേസിൽ സർക്കാർ ഉദ്യോഗസ്ഥന് ലളിതമായ ശിക്ഷ നൽകിയതിനെതിരെ സമർപ്പിച്ച ഹർജി പരിഗണിക്കുകയായിരുന്നു കോടതി.