ഇന്ന് 55 കേന്ദ്രങ്ങളിൽ വാക്‌സിനേഷൻ
Monday 07 June 2021 12:00 AM IST
കോട്ടയം: ജില്ലയിൽ ഇന്ന് 55 കേന്ദ്രങ്ങളിൽ കൊവിഡ് വാക്‌സിൻ നൽകും. ഇതിൽ ആറു കേന്ദ്രങ്ങളിൽ 45 വയസിനു മുകളിലുള്ളവർക്ക് കൊവിഷീൽഡ് സ്വീകരിക്കാം. ഈ വിഭാഗത്തിൽ 90 ശതമാനം ഒന്നാം ഡോസുകാർക്കും 10 ശതമാനം രണ്ടാം ഡോസുകാർക്കുമാണ്. 40-44 പ്രായവിഭാഗത്തിലുള്ളവർക്കായി 34 കേന്ദ്രങ്ങളിൽ കൊവിഷീൽഡും 15 ഇടത്ത് കൊവാക്‌സിനും നൽകും. എല്ലാ കേന്ദ്രങ്ങളിലും ഒന്നാം ഡോസ് മാത്രമാണ് നൽകുക. എല്ലാ വിഭാഗങ്ങളിലും വാക്‌സിൻ സ്വീകരിക്കുന്നതിന് www.cowin.gov.in പോർട്ടലിൽ രജിസ്‌ട്രേഷനും ബുക്കിംഗും നടത്തണം. രാവിലെ പത്തു മുതൽ രണ്ടു വരെയാണ് സമയം.