യു.പിയിൽ 100 സീറ്റുകളിൽ മത്സരിക്കും: ഉവൈസി
Monday 28 June 2021 3:43 AM IST
ലക്നൗ: അടുത്ത വർഷം നടക്കുന്ന യു.പി നിയമസഭ തിരഞ്ഞെടുപ്പിൽ മജ്ലിസെ ഇത്തിഹാദുൽ മുസ്ലിമീൻ (എ.ഐ.എം.ഐ.എം) പാർട്ടി 100 സീറ്റുകളിൽ മത്സരിക്കുമെന്ന് അദ്ധ്യക്ഷൻ അസദുദ്ദീൻ ഉവൈസി. സ്ഥാനാർത്ഥി നിർണയ നടപടികൾ ആരംഭിച്ചു.
ഓം പ്രകാശ് രാജ്ഭറിന്റെ ഭാഗിദാരി സങ്കൽപ് മോർച (ബി.എസ്.എം) ഒഴികെ മറ്റൊരു പാർട്ടിയുമായും സഖ്യമില്ലെന്നും ഉവൈസി വ്യക്തമാക്കി.
ബഹുജൻ സമാജ് പാർട്ടി അദ്ധ്യക്ഷ മായാവതി എ.ഐ.എം.ഐ.എമ്മുമായി സഖ്യമില്ലെന്ന് അറിയിച്ചിരുന്നു. എ.ഐ.എം.ഐ.എം ആദ്യമായാണ് യു.പി നിയമസഭ തിരഞ്ഞെടുപ്പിൽ മത്സരിക്കുന്നത്.