ഭാഷാ ന്യൂനപക്ഷങ്ങൾക്കും ആനുകൂല്യം നൽകണമെന്ന് ഹർജി
Monday 26 July 2021 5:50 AM IST
ന്യൂഡൽഹി :ഭാഷാ ന്യൂനപക്ഷങ്ങൾക്കും വിദ്യാഭ്യാസ സ്ഥാപനങ്ങൾ നടത്താൻ ആനുകൂല്യം നൽകണമെന്ന് ആവശ്യപ്പെട്ട് സുപ്രീംകോടതിയിൽ ഹർജി. ഭാഷാ ന്യൂനപക്ഷങ്ങളെ കണ്ടെത്തി വിദ്യാഭ്യാസ സ്ഥാപനങ്ങൾ നടത്താൻ ആനൂകൂല്യം നൽകിയുള്ള വിജ്ഞാപനം പുറത്തിറക്കാൻ കേന്ദ്രസർക്കാരിന് നിർദേശം നൽകണമെന്നാണ് ഹർജിയിലെ ആവശ്യം.
തമിഴ്‌നാട്ടിലും കർണാടകയിലും മലയാളം സംസാരിക്കുന്ന ഭാഷാ ന്യൂനപക്ഷ വിദ്യാർത്ഥികൾക്കായി വിദ്യാഭ്യാസ സ്ഥാപനങ്ങൾ നടത്തുന്ന സിറ്റിസൺ എഡ്യൂക്കേഷൻ സൊസൈറ്റിയാണ് ഹർജിക്കാർ. പഞ്ചാബ്, മിസോറാം ഉൾപ്പെടെയുള്ള 10 സംസ്ഥാനങ്ങളിലെ ഹിന്ദു വിഭാഗത്തിന് ന്യൂനപക്ഷ പദവി നൽകണമെന്ന പൊതുതാത്പര്യ ഹർജിയിൽ കക്ഷി ചേരാനും സിറ്റിസൺ എഡ്യൂക്കേഷൻ സൊസൈറ്റി അനുമതി തേടി.