അസാൻജിന്റെ പൗരത്വം റദ്ദാക്കി ഇക്വഡോർ

ലണ്ടൻ: വിക്കിലീക്സ് സ്ഥാപകൻ ജൂലിയൻ അസാൻജിന് നൽകിയ പൗരത്വം ഇക്വഡോർ കോടതി പിൻവലിച്ചു. ബ്രിട്ടീഷ്​ തടവറയിൽ കഴിയുന്ന അസാൻജ്​ യഥാർത്ഥ രേഖകൾ മറച്ചുവച്ച്​ വ്യാജ തെളിവുകൾ നൽകിയെന്ന്​ ആരോപിച്ചാണ്​ നടപടി. ഒന്നിലേറെ ഒപ്പുകളും രേഖകളിലുണ്ടെന്നാണ് ഇക്വഡോർ സർക്കാരിന്റെ ഭാഷ്യം. എന്നാൽ, വിശദീകരണം നൽകാൻ അവസരം നൽകാതെയാണ്​ നടപടിയെന്ന്​ അസാൻജിന്റെ അഭിഭാഷകൻ കാർലോസ്​ പൊവീദ പറഞ്ഞു.

ലണ്ടനിലെ ഇക്വഡോർ എംബസിയിൽ അഭയം തേടിയ അസാൻജിന് 2018ലാണ്​ പൗരത്വം നൽകിയത്​.

അമേരിക്കയിൽ അസാൻജിനെതിരെ 17 ചാരവൃത്തി കേസുകളുണ്ട്​. സൈനിക, നയതന്ത്ര രഹസ്യങ്ങൾ ചോർത്താൻ കമ്പ്യൂട്ടർ ദുരുപയോഗം ചെയ്​തതിന്​ വേറെയും കേസുണ്ട്​. 175 വർഷം വരെ തടവു ശിക്ഷ ലഭിച്ചേക്കാം​.

പൗരത്വം റദ്ദാക്കപ്പെട്ടതോടെ അസാൻജിനെ അമേരിക്കയ്ക്ക്​ വിചാരണക്കായി കൈമാറിയേക്കും.