ഷക്കീല മരിച്ചതായി സമൂഹമാദ്ധ്യമങ്ങളിൽ വ്യാജ പ്രചാരണം; ആരോഗ്യത്തോടെയിരിക്കുന്നതായി പ്രതികരിച്ച് നടി
ചെന്നൈ: ചലച്ചിത്ര താരം ഷക്കീല മരണമടഞ്ഞതായി സമൂഹമാദ്ധ്യമങ്ങളിൽ വ്യാജ പ്രചാരണം. വ്യാജ സന്ദേശം വന്നതിന് പിന്നാലെ ട്വി‌റ്ററിൽ പ്രതികരണവുമായി നടി എത്തി. കേരളത്തിൽ നിന്നൊരാൾ സമൂഹമാദ്ധ്യമത്തിൽ താൻ മരിച്ചതായി പ്രചരിക്കുന്നത് ശ്രദ്ധയിൽ പെടുത്തി. താൻ പൂർണ ആരോഗ്യവതിയാണ്, സന്തോഷവതിയുമാണെന്ന് ഷക്കീല പ്രതികരിച്ചു.
Actress #Shakeela dismisses rumors about her and her health.. She is doing absolutely fine..@Royalreporter1 pic.twitter.com/ut41SrRGG4— Ramesh Bala (@rameshlaus) July 29, 2021
വ്യാജ സന്ദേശം പ്രചരിച്ചയുടൻ നിരവധി പേർ ഫോണുകളിലും മെസേജുകളിലൂടെയും വിളിച്ചന്വേഷിച്ചു. കേരളത്തിലെ ജനങ്ങൾ നൽകുന്ന കരുതലിന് വളരെ സന്തോഷമുണ്ടെന്ന് ഷക്കീല പ്രതികരിച്ചു. ആ വാർത്ത നൽകിയയാളോടും താൻ നന്ദി പറഞ്ഞ നടി 'അയാൾ കാരണമാണ് നിങ്ങളെന്നെ ഓർത്തത്' എന്ന് പ്രതികരിച്ചു.
മുൻപ് നടൻ ജനാർദ്ദനനെക്കുറിച്ചും സമൂഹമാദ്ധ്യമങ്ങളിൽ വ്യാജ ചരമവാർത്ത പ്രചരിച്ചിരുന്നു. എന്നാൽ അദ്ദേഹത്തിന് യാതൊരു കുഴപ്പവുമില്ലെന്ന് ആരാധകർ പിന്നാലെ അറിയിച്ചു.