നേമം യു.പി.എസിൽ ബഹുനിലമന്ദിരോദ്ഘാടനം

ബാലരാമപുരം: നേമം ഗവൺമെന്റ് യുപി.എസിൽ ബഹുനിലമന്ദിരത്തിന്റെ ശിലാസ്ഥാപനം മുഖ്യമന്ത്രി ഓൺലൈനായി നിർവഹിച്ചു.എം.വിൻസെന്റ് എം.എൽ.എ ശിലാഫലകം അനാച്ഛാദനം ചെയ്തു. കല്ലിയൂർ ഗ്രാമപഞ്ചായത്ത് പ്രസിഡന്റ് കെ.കെ ചന്തു കൃഷ്ണ അദ്ധ്യക്ഷത വഹിച്ചു.പള്ളിച്ചൽ പഞ്ചായത്ത് പ്രസിഡന്റ് റ്റി.മല്ലിക,​ നേമം ബ്ലോക്ക് പഞ്ചായത്ത് പ്രസിഡന്റ് എസ്.കെ പ്രീജ,​ ജില്ലാ പഞ്ചായത്തംഗം ഭഗത് റൂഫസ്,​ വാർഡ് മെമ്പർമാരായ ഇ.ബി വിനോദ് കുമാർ,​ രാഗേഷ്,​ ഫ്രാൻസ് സെക്രട്ടറി മണ്ണാങ്കൽ രാമചന്ദ്രൻ,​ ശാസ്ത്രസാഹിത്യ പരിഷത്ത് യൂണിറ്റ് പ്രസിഡന്റ് മധുസൂദനൻ നായർ,​ എസ്.എം.സി ചെയർമാൻ വി.മനു എന്നിവർ സംബന്ധിച്ചു. ഹെഡ്മിസ്ട്രസ് ഇൻ ചാർജ്ജ് ശൈലജ കുമാരി സ്വാഗതവും എസ്.എം.സി വൈസ് ചെയർമാൻ സുരേഷ് ഉപനിയൂർ നന്ദി പറഞ്ഞു.