ഫോർബ്സ് പട്ടികയിൽ നിന്ന് ട്രംപ് പുറത്ത്
Friday 08 October 2021 12:14 AM IST
വാഷിംഗ്ടൺ: ഫോർബ്സിന്റെ അമേരിക്കയിലെ അതിസമ്പന്നരായ 400 പേരുടെ പട്ടികയിൽ നിന്ന് മുൻ അമേരിക്കൻ പ്രസിഡന്റ് ഡൊണാൾഡ് ട്രംപ് പുറത്ത്. 25 വർഷത്തിനിടെ ആദ്യമായാണിത്.
നിലവിൽ 18,749 കോടി രൂപയുടെ (250 കോടി ഡോളർ) ആസ്തിയാണ് ട്രംപിനുള്ളത്. പട്ടികയിൽ ഇടംനേടാൻ ആവശ്യമായതിനെക്കാൾ 2999 കോടി രൂപ(40 കോടി ഡോളർ) ട്രംപിന് കുറവാണ്.കൊവിഡ് മൂലം ട്രംപിന്റെ സമ്പത്തിൽ 4499 കോടി രൂപയുടെ(60 കോടി ഡോളർ) കുറവുണ്ടായതോടെയാണിത്.