തെലുങ്ക് സിനിമാ നിർമ്മാതാവ് മഹേഷ് കൊനേരു അന്തരിച്ചു
Wednesday 13 October 2021 12:47 AM IST
അമരാവതി: തെലുങ്ക് സിനിമാനിർമ്മാതാവും ബാഹുബലി അടക്കമുള്ള സിനിമകളുടെ പി.ആർ.ഒയുമായിരുന്ന മഹേഷ് കൊനേരു (40) ഹൃദയാഘാതം മൂലം അന്തരിച്ചു. വിശാഖപ്പട്ടണത്തെ വസതിയിൽ കുഴഞ്ഞുവീണ മഹേഷിനെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
ഈസ്റ്റ് കോസ്റ്റ് പ്രൊഡക്ഷൻ എന്ന പേരിൽ ഒരു നിർമാണ കമ്പനി മഹേഷിന് സ്വന്തമായിട്ടുണ്ടായിരുന്നു. മിസ് ഇന്ത്യ,118, തിമരുസു തുടങ്ങിയ ചിത്രങ്ങളുടെ നിർമാതാവാണ്.
ജൂനിയർ എൻ.ടി.ആർ, കല്യാൺ രാം, നന്ദമൂരി ബാലകൃഷ്ണ തുടങ്ങിയവരുടെ പി.ആർ.ഒ ആയി പ്രവർത്തിച്ചിട്ടുണ്ട്.