ബിൽ ഗേറ്റ്സിനെ മൈക്രോസോഫ്ട് താക്കീത് ചെയ്തിരുന്നു
Thursday 21 October 2021 2:19 AM IST
വാഷിംഗ്ടൺ: ഒരു ജീവനക്കാരിയ്ക്ക് അനുചിതമായ രീതിയിൽ ഇ - മെയിൽ അയച്ചതിന് മൈക്രോസോഫ്ട് സഹസ്ഥാപകനും ശതകോടീശ്വരനുമായ ബിൽ ഗേറ്റ്സിനെ 2008ൽ കമ്പനി താക്കീത് ചെയ്തിരുന്നതായി റിപ്പോർട്ട്. 2007ൽ ഗേറ്റ്സ് ഇ-മെയിൽ വഴി ജീവനക്കാരിയുമായി നിരന്തരം ചാറ്റ് ചെയ്യുകയും തന്നെ കാണാൻ ക്ഷണിക്കുകയും ചെയ്തിരുന്നതായാണ് റിപ്പോർട്ട്. എന്നാൽ, സംഭവത്തെക്കുറിച്ച് അറിഞ്ഞ എക്സിക്യൂട്ടീവ് അംഗങ്ങൾ ഗേറ്റ്സിനെ താക്കീത് ചെയ്യുകയായിരുന്നു.
2008ൽ പ്രസിഡന്റ് സ്ഥാനമൊഴിഞ്ഞ ഗേറ്റ്സ് 2020 മാർച്ച് വരെ ബോർഡ് ഡയറക്ടറായി തുടർന്നു.