നവീകരിച്ച കുളങ്ങൾ മേയർ സന്ദർശിച്ചു

തിരുവനന്തപുരം:നഗരസഭയുടെ നേതൃത്വത്തിൽ നവീകരണം പൂർത്തീകരിച്ച് ഉദ്ഘാടനത്തിനൊരുങ്ങുന്ന പുത്തൻചന്ത, ശ്രീകണ്ഠേശ്വരം കുളങ്ങൾ മേയർ ആര്യാ രാജേന്ദ്രൻ സന്ദർശിച്ചു.നഗരത്തിലെ പൈതൃക സംരക്ഷണത്തി​ന്റെ ഭാഗമായി നഗരസഭ സ്മാർട്ട്സിറ്റി പദ്ധതിയിൽ ഉൾപ്പെടുത്തിയാണ് കുളങ്ങൾ നവീകരിക്കുന്നത്.99 ലക്ഷം രൂപയാണ് പദ്ധതിച്ചെലവ്.പുത്തൻചന്ത ബാലസുബ്രഹ്മണ്യ ക്ഷേത്രക്കുളവും പരിസരവും മനോഹരമായ പാർക്കോടുകൂടിയാണ് നവീകരിച്ചത്. ഡെപ്യൂട്ടി മേയർ പി.രാജുവും സ്മാർട്ട് സിറ്റി ഉദ്യോഗസ്ഥരും മേയർക്കൊപ്പമുണ്ടായിരുന്നു.