കുട്ടനാടിന് സ്‌പെഷ്യൽ പാക്കേജ് വേണം

ആലപ്പുഴ: കൃഷിനാശത്താലും പരിസ്ഥിതി ആഘാതത്താലും തകർന്നു കൊണ്ടിരിക്കുന്ന കുട്ടനാടിനെ സംരക്ഷിക്കാൻ സ്‌പെഷ്യൽ പാക്കേജിന് രൂപം നൽകണമെന്ന് കേരള സംസ്ഥാന നെൽ- നാളികേര കർഷക ഫെഡറേഷൻ സംസ്ഥാന പ്രസിഡന്റ് ബേബി പാറക്കാടൻ ആവശ്യപ്പെട്ടു. ഇന്നത്തെ നിലയിൽ കുട്ടനാട് ഇല്ലാതാകാൻ അധികകാലം വേണ്ടിവരില്ല. ഡൽഹിയിൽ നടക്കുന്ന കർഷക സമരത്തിന്റെ ഒന്നാം വാർഷികാചരണത്തിന്റെ ഭാഗമായിനെൽ നാളികേര കർഷക ഫെഡറേഷൻ നടത്തിയ ഐക്യദാർഢ്യ ധർണ ഉദ്ഘാടനം ചെയ്യുകയായിരുന്നു അദ്ദേഹം. ഇ.ഷാബ്ദ്ദീൻ അദ്ധ്യക്ഷത വഹിച്ചു. ഹക്കിം മുഹമ്മദ് , തോമസ് ജോൺ,ഡി.ഡി.സുനിൽകുമാർ ,ബിനു മദനൻ ,എസ്.രാധാകൃഷ്ണൻ എന്നിവർ സംസാരിച്ചു.