അസ്ത്രയിൽ സുഹാസിനി കുമരൻഅമിത് ചക്കാലയ്ക്കലിന്റെ നായിക
ചിത്രീകരണം ഡിസംബർ ഒടുവിൽ വയനാട്ടിൽ
വയനാടിന്റെ പശ്ചാത്തലത്തിൽ ഒരുക്കുന്ന ക്രൈം ഇൻവെസ്റ്റിഗേഷൻ ത്രില്ലറായ അസ്ത്രയുടെ ചിത്രീകരണം ഡിസംബർ ഒടുവിൽ വയനാട്ടിൽ തുടങ്ങും. ജയരാജ്, അമൽ നീരദ്, രമേഷ് പിഷാരടി, സഖറിയ എന്നിവരുടെ സഹസംവിധായകനായിരുന്ന ആസാദ് അലവിൽ സംവിധായകനാകുന്ന ചിത്രത്തിൽ അമിത് ചക്കാലയ്ക്കലാണ് നായകൻ. പുതുമുഖം സുഹാസിനി കുമരൻ നായികയാകുന്നു.
കലാഭവൻ ഷാജോൺ, സന്തോഷ് കീഴാറ്റൂർ, സെന്തിൽകൃഷ്ണ, മേഘനാഥൻ, കോട്ടയം രമേഷ്, ബാലാജി ശർമ്മ, നീനാകുറുപ്പ്, സോനാ ഹൈഡൻ എന്നിവർക്കൊപ്പം പുതുമുഖങ്ങളായ ജിജുരാജ്, ദുഷ്യന്ത് ജയ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
വിനു. കെ. മോഹൻ, ജിജുരാജ് എന്നിവരുടേതാണ് രചന. ഹരിനാരായണന്റെ വരികൾക്ക് മോഹൻ സിതാര ഈണമിടുന്നു. പശ്ചാത്തല സംഗീതം: റോണി റാഫേൽ, മണി പെരുമാൾ ഛായാഗ്രഹണവും അഖിലേഷ് മോഹൻ ചിത്രസംയോജനവും നിർവഹിക്കുന്നു. കലാസംവിധാനം: ഷംജിത്ത് രവി, മേയ്ക്കപ്പ്: രഞ്ജിത്ത് അമ്പാടി, വസ്ത്രാലങ്കാരം : അരുൺ മനോഹർ.
പോറസ് സിനിമാസിന്റെ ബാനറിൽ പ്രേം കല്ലാട്ട് നിർമ്മിക്കുന്ന ചിത്രത്തിന്റെ എക്സിക്യുട്ടീവ് പ്രൊഡ്യൂസർ പ്രീ നന്ദ് കല്ലാട്ടാണ്. പ്രൊഡക്ഷൻ ഡിസൈനർ: ഉണ്ണി സക്കേവൂസ്, നിശ്ചല ഛായാഗ്രഹണം: രാംദാസ് മാത്തൂർ, പ്രൊഡക്ഷൻ കൺട്രോളർ: രാജൻ ഫിലിപ്പ്, ന്യൂസ്: വാഴൂർ ജോസ്.