പുഷ്പയുടെ ട്രെയിലറിൽ ആരാധകരെ ഞെട്ടിച്ച് ഫഹദ്
അല്ലു അർജുനെ നായകനാക്കി സുകുമാർ സംവിധാനം ചെയ്യുന്ന പുഷ്പയുടെ ആദ്യ ഭാഗത്തിന്റെ ട്രെയ്ലർ പുറത്തിറങ്ങി. പുഷ്പ ദ റൈഡ് എന്ന ആദ്യ ഭാഗം ഡിസംബർ 17ന് തിയേറ്ററുകളിൽ എത്തും. പ്രതിനായക വേഷത്തിൽ എത്തുന്ന ഫഹദിന്റെ ലുക്ക് ഞെട്ടിക്കുന്നതാണ്. ഫഹദിന്റെ ആദ്യ തെലുങ്ക് ചിത്രം കൂടിയാണ്. ചന്ദനക്കടത്തുകാരനായ പുഷ്പരാജിന്റെ വേഷമാണ് അല്ലു അർജുന്. രണ്ടു ഭാഗങ്ങളായി ഒരുങ്ങുന്ന പുഷ്പയിൽ ഇതുവരെ കാണാത്ത ലുക്കിലാണ് അല്ലു അർജുനും എത്തുന്നത്. മൈത്രി മൂവി മേക്കേഴ്സിന്റെയും മുട്ടം സെട്ടി മീഡിയയുടെയും ബാനറിൽ നവീൻ യെർനേനിയും വൈ. രവിശങ്കറും ചേർന്നാണ് പുഷ്പ നിർമ്മിക്കുന്നത്. മിറോസ്ളോ കുബ ബറോസ്കാണ് ഛായാഗ്രാഹകൻ. ദേവിശ്രീ പ്രസാദാണ് സംഗീതസംവിധാനം. റസൂൽ പൂക്കുട്ടിയാണ് ശബ്ദലേഖനം. ചിത്രസംയോജനം നിർവഹിക്കുന്നത് കാർത്തിക് ശ്രീനിവാസ്.