ഭാവനയെ സ്വീകരിച്ചതിന് നന്ദി അറിയിച്ച് ലിസി
കേരള രാജ്യാന്തര ചലച്ചിത്രമേളയുടെ ഉദ്ഘാടന ചടങ്ങിൽ വിശിഷ്ടാതിഥിയായി ഭാവനയെ ക്ഷണിച്ചതിനെ പ്രശംസിച്ച് നടി ലിസി. ' 26-ാമത് ചലച്ചിത്ര മേളയിലെ അതിഥിയായി ഭാവനയെ ക്ഷണിക്കുന്നതിന് നേതൃത്വം നൽകിയ മുഴുവൻ സംഘാംഗങ്ങൾക്കും അഭിനന്ദനങ്ങൾ. എഴുന്നേറ്റുനിന്ന് നിറഞ്ഞ കരഘോഷത്തോടെ ഭാവനയെ സ്വീകരിച്ച ആ സദസിന് എന്റെ ആദരം. ഒരു മലയാളി എന്ന നിലയിൽ അഭിമാനം തോന്നുന്ന അപൂർവ്വം ചില നിമിഷങ്ങളാണ് ഇത്. ' സമൂഹമാദ്ധ്യമത്തിൽ ലിസി കുറിച്ചു.ഒരു കാലത്ത് മലയാളത്തിലെ പ്രിയ നായികയായിരുന്നു ലിസി. അഭിനയരംഗത്തുനിന്നു വിട്ടു നിൽക്കുന്ന താരം സമൂഹമാദ്ധ്യമങ്ങളിൽ സജീവം.