കെ.ജി.എഫ് താരം മോഹൻ ജുനേജ ഓർമ്മയായി
പ്രശസ്ത കന്നട സിനിമ താരം മോഹൻ ജുനേജ ഓർമ്മയായി.
'ഗ്യാങുമായി വരുന്നവനാണ് ഗ്യാങ്സ്റ്റർ. അവൻ ഒറ്റയ്ക്കാണ് വന്നത്.. മോൺസ്റ്റർ. "കെ.ജി.എഫ് 2 വിലെ തരംഗമായ ഡയലോഗിന് തിരശീലയിൽ തീ കോരിയിട്ടു മോഹൻ ജുനേജ .സമൂഹ മാദ്ധ്യമങ്ങളിൽ ഈ രംഗങ്ങൾ ഏറെ ചർച്ചചെയ്യപ്പെട്ടു.നാഗരാജ എന്ന ഇൻഫോമറിന്റെ വേഷത്തിലാണ് കെ.ജി.എഫിൽ മോഹൻ ജുനേജ എത്തിയത്.കെ.ജി.എഫിന്റെ രണ്ടു ഭാഗങ്ങളിലും അഭിനയിച്ച മോഹൻ ജുനേജ മലയാളി പ്രേക്ഷകർക്കും പരിചിതൻ. കർണാടകയിലെ തുംകുർ സ്വദേശിയാണ്. ഏറെനാളായി അസുഖബാധിതനായിരുന്നു. യഷിന്റെ റോക്കി ഭായിയുടെ ഒപ്പം സ്ക്രീനിൽ നിറഞ്ഞുനിൽക്കുന്ന പ്രകടനം തന്നെയാണ് ചിത്രത്തിൽ മോഹൻ ജുനേജ കാഴ്ചവച്ചത്.നിരവധി ടിവി സീരിയലുകളിലും അഭിനയിച്ചു.