കനത്തമഴ: ജില്ലയിൽ ഓറഞ്ച് അലർട്ട്.

കോട്ടയം. ജില്ലയിൽ കനത്ത മഴയ്ക്ക് സാദ്ധ്യത പ്രവചിച്ച് ഓറഞ്ച് അലർട്ട്. ഇന്നലെയും പ്രവചിച്ചിരുന്നെങ്കിലും പകൽ മഴ ശക്തിപ്പെട്ടില്ല. എന്നാൽ അന്തരീക്ഷം മൂടിക്കെട്ടിയ നിലയിലായിരുന്നു. ഇന്നലെ രാവിലെ അവസാനിച്ച 24 മണിക്കൂറിൽ 73.91 മില്ലീമീറ്റർ മഴയാണ് പെയ്തത്. താഴ്ന്ന പ്രദേശങ്ങൾ, നദീതീരങ്ങൾ, ഉരുൾപൊട്ടൽ-മണ്ണിടിച്ചിൽ സാദ്ധ്യതയുള്ള മലയോര പ്രദേശങ്ങൾ തുടങ്ങിയ ഇടങ്ങളിലുള്ളവർ അതീവ ജാഗ്രത പാലിക്കണമെന്ന് കളക്ടർ അറിയിച്ചു. മുൻവർഷങ്ങളിൽ ഉരുൾപൊട്ടൽ ഉണ്ടായ മേഖലകളിൽ ഉള്ളവരും ജാഗ്രത പാലിക്കണം. മാറിതാമസിക്കേണ്ട സാഹചര്യം ഉണ്ടെങ്കിൽ അധികൃതരുടെ നിർദേശങ്ങൾ അനുസരിക്കണം. ജില്ലാ, താലൂക്ക് ആസ്ഥാനങ്ങളിൽ കൺട്രോൾ റൂമുകളും തുറന്നിട്ടുണ്ട്.