ബോളിവുഡ് ചിത്രം ആനന്ദിന് റീമേക്ക്
ബോളിവുഡ് ചിത്രം ആനന്ദിന് 51 വർഷങ്ങൾക്കുശേഷം റീമേക്ക്. ക്ളാസിക് ചിത്രമായ ആനന്ദ് നിർമ്മിച്ച എൻ.സി. സിപ്പിയുടെ ചെറുമകൻ സമീർ രാജ് സിപ്പിയാണ് റീമേക്ക് നിർമ്മിക്കുന്നത്. രാജേഷ് ഖന്നയും അമിതാഭ് ബച്ചനും അഭിനയിച്ച ആനന്ദ് 1971ൽ ആണ് പുറത്തിറങ്ങിയത്.മരണാസന്നനും പ്രസന്നനുമായ രോഗിയുടെയും ഡോക്ടറുടെയും ആത്മബന്ധത്തിന്റെ കഥയാണ് ചിത്രം പറയുന്നത്. സാമാന്യ വിജയം മാത്രം നേടിയ ചിത്രം നിരവധി പുരസ്കാരങ്ങൾ കരസ്ഥമാക്കിയിട്ടുണ്ട്. ഹൃഷികേശ് മുഖർജി സംവിധാനം ചെയ്ത ചിത്രത്തിൽ സുമിത സന്യാൽ, രമേശ് ഡിയോ എന്നിവരാണ് മറ്റു താരങ്ങൾ. പുതിയ ആനന്ദിന്റെ സംവിധായകനും താരങ്ങളും ആരാണെന്ന് അറിവായിട്ടില്ലെന്ന് പ്രമുഖ ട്രേഡ് അനലിസ്റ്റ് തരൺ ആദർശ് അറിയിച്ചു.