വിജയ് ദേവരകൊണ്ട- പൂജ ഹെഗ്ഡെ ചിത്രം ജെജിഎം ആരംഭിച്ചു
വിജയ് ദേവരകൊണ്ട, പൂജ ഹെഗ്ഡെ എന്നിവരെ കേന്ദ്ര കഥാപാത്രങ്ങളാക്കി പുരി ജഗനാഥ് സംവിധാനം ചെയ്യുന്ന ജെജിഎം മുംബയിൽ ആരംഭിച്ചു. ഹിന്ദി, തെലുങ്ക്, തമിഴ്, കന്നട, മലയാളം ഭാഷകളിലായി ഒരുങ്ങുന്ന ചിത്രം ആക്ഷൻ ഡ്രാമ ബിഗ് ടിക്കറ്റ് പാൻ ഇന്ത്യ എന്റർടെയ്നാറാണ് .
പുരി കണക്ട്സ് ആൻഡ് ശ്രീകരസ്റ്റുഡിയോസിന്റെ ബാനറിൽ ചാർമി കൗർ, വംശി പൈഡിപ്പള്ളി എന്നിവർ ചേർന്നാണ് നിർമ്മാണം . ചിത്രത്തിന്റെ രചനയും പുരി ജഗന്നാഥ് നിർവഹിക്കുന്നു. അടുത്ത വർഷം ആഗസ്റ്റ് മൂന്നിന് ലോകമെമ്പാടും ചിത്രം റിലീസ് ചെയ്യും.
പി.ആർ.ഒ എ.എസ്. ദിനേശ് ശബരി.അതേസമയം ലിഗർ ആണ് റിലീസിന് ഒരുങ്ങുന്ന വിജയ് ദേവരകൊണ്ട ചിത്രം.തെലുങ്കിലും ഹിന്ദിയിലുമായി ഒരുങ്ങുന്ന ചിത്രം സ്പോർട് ഡ്രാമ ഗണത്തിൽപ്പെട്ടതാണ്. പുരി ജഗനാഥ് സംവിധാനം ചെയ്യുന്ന ചിത്രത്തിൽ അനന്യ പാണ്ഡെ ആണ് നായിക.