ഡോ. ഫാത്തിമ അസ്ര ഫസലിന് പുരസ്കാരം കൈമാറി

തലശ്ശേരി : പ്രമുഖ ഭാഷാഗവേഷകനും കൊൽക്കത്ത നാഷണൽ ലൈബ്രറിയിൽ ദീർഘകാലം ബിബ്ളിയോഗ്രഫി എഡിറ്ററുമായിരുന്ന കെ.എം.ഗോവിയുടെ പേരിൽ തലശ്ശേരി മുസ് ലിം അസോസിയേഷൻ ടി.പി.കുട്ട്യമ്മു സാഹിബ് ലൈബ്രറി ഏർപ്പെടുത്തിയ പുരസ്‌കാരം വിജ്ഞാന മാനേജ്‌മെന്റ് രംഗത്തെ മികച്ച സേവനത്തിന് തിരുപ്പതി ഐ. ഐ.ടി സെൻട്രൽ ലൈബ്രറി ഉദ്യോഗസ്ഥ ഡോ. ഫാത്തിമ അസ്ര ഫസലിന് കെ.മുരളീധരൻ എം.പി സമ്മാനിച്ചു. എ. പി. അഹമ്മദ് അവാർഡ് ജേതാവിനെ പരിചയപ്പെടുത്തി. സി.കെ.പി. റഈസ് അദ്ധ്യക്ഷത വഹിച്ചു. പാരിസ് പ്രസിഡൻസി ഹാളിൽ നടന്ന ചടങ്ങിൽ അഡ്വ. ടി. ആസഫലി മുഖ്യപ്രഭാഷണം നിർവ്വഹിച്ചു. നഗരസഭാ മുൻ ചെയർമാൻ എം.വി. മുഹമ്മദ് സലീം, പി.പി.പവിത്രൻ, പ്രൊഫസർ എ.പി. സുബൈർ, അഡ്വ. ടി.പി.സാജിദ്, പി.എം. അബ്ദുൽ ബഷീർ എന്നിവർ സംസാരിച്ചു. സി എ.അബൂബക്കർ സ്വാഗതവും എ.കെ.ഇബ്രാഹീം നന്ദിയും പറഞ്ഞു.