സ്നേഹവീടിന്റെ നിർമ്മാണോദ്ഘാടനം

അമ്പലപ്പുഴ : നിർദ്ധന കുടുംബത്തിന് തല ചായ്ക്കാൻ സി.പി.എം സ്നേഹവീടൊരുക്കും. വൈശ്യംഭാഗം കളത്തിൽ പറമ്പിൽ പരേതനായ ജനബന്ധുവിന്റെ ഭാര്യ സൗമ്യക്കാണ് സി.പി.എം നടുഭാഗം ലോക്കൽ കമ്മിറ്റി വീട് നിർമ്മിച്ചു നിൽക്കുന്നത്. ഹൃദ്രോഗ ബാധിതനായ ജനബന്ധു രണ്ടു വർഷം മുമ്പാണ് മരിച്ചത്. എച്ച് .സലാം എം.എൽ. എ നിർമ്മാണോദ്ഘാടനം നിർവഹിച്ചു.നിർമ്മാണ കമ്മിറ്റി പ്രസിഡൻറ് എം.കെ.ചാക്കോ അദ്ധ്യക്ഷനായി. ഏരിയ സെക്രട്ടറി കെ.എസ്. അനിൽകുമാർ, ഏരിയ കമ്മിറ്റി അംഗം എൻ. എസ്. ശ്രീകുമാർ, പി. ജി. രമേശൻ എന്നിവർ സംസാരിച്ചു. ലോക്കൽ കമ്മിറ്റി സെക്രട്ടറി എം .സി. അനിയപ്പൻ സ്വാഗതം പറഞ്ഞു.