പ്രസിഡന്റിനെ കൈയേറ്റം ചെയ്ത സംഭവം : 6 സി.പി.എം പ്രവർത്തകർ അറസ്റ്റിൽ

മല്ലപ്പള്ളി: പുറമറ്റം ഗ്രാമപഞ്ചായത്ത് പ്രസിഡന്റിനെ അസഭ്യം പറയുകയും മുടിക്ക് കുത്തിപ്പിടിക്കുകയും ചുരിദാർ വലിച്ചു കീറുകയും ചെയ്ത സംഭവത്തിൽ ആറ് സി .പി .എം പ്രവർത്തകരെ കോയിപ്രം പൊലീസ് അറസ്റ്റുചെയ്തു. പ്രസിഡന്റ് സൗമ്യ ജോബിയുടെ പരാതിയിലാണ് നടപടി . പഞ്ചായത്തംഗങ്ങളായ ഷിജു പി.കുരുവിള,സാബു ബഹനാൻ, ആശപ്രവർത്തക ശോബിക ഗ്യാലക്സി തുടങ്ങിയവരാണ് പിടിയിലായത്. . വെള്ളിയാഴ്ച ഉച്ചയ്ക്ക് 12.45 നാണ് അക്രമം നടന്നത്. പഞ്ചായത്ത് ഓഫീസിൽ എത്തിയ പ്രസിഡന്റിന് നേരെ എൽ.ഡി.എഫ് ജനപ്രതിനിധികൾ അടക്കമുള്ള പ്രവർത്തകർ പ്രകടനമായി എത്തിയാണ് ആക്രമം കാട്ടിയത്. നേരത്തെ പഞ്ചായത്ത് വാഹനത്തിന്റെ ചില്ലുകൾ തകർക്കപ്പെട്ടിരുന്നു.