രജനിയുടെ ജയിലർ, വിനായകനും
സ്റ്റൈൽ മന്നൻ രജനികാന്തിനെ നായകനാക്കി നെൽസൻ ദിലീപ് കുമാർ രചനയും സംവിധാനവും നിർവഹിക്കുന്ന ജയിലർ എന്ന ചിത്രത്തിൽ വിനായകൻ. ചിത്രത്തിൽ പ്രധാന വേഷത്തിലാണ് വിനായകൻ എത്തുന്നത്.ലൊക്കേഷനിൽ വിനായകൻ ഉടൻ ജോയിൻ ചെയ്യും.സാൾട്ട് ആൻഡ് പെപ്പർ ലുക്കിലാണ് ചിത്രത്തിൽ രജനികാന്ത് എത്തുന്നത്.
ചിത്രത്തിന്റെ ചെന്നൈയിലെ ലൊക്കേഷനിൽ രജനികാന്ത് ജോയിൻ ചെയ്തു. പ്രിയങ്കമോഹൻ, രമ്യകൃഷ്ണൻ എന്നിവരാണ് മറ്റു താരങ്ങൾ.23 വർഷത്തിനുശേഷം രജനികാന്തും രമ്യകൃഷ്ണനും ഒന്നിക്കുകയാണ്. അനിരുദ്ധ് രവിചന്ദറാണ് സംഗീത സംവിധാനം. സൺ പിക്ചേഴ്സിന്റെ ബാനറിൽ കലാനിധിമാരനാണ് ജയിലർ നിർമ്മിക്കുന്നത്.