സി.പി.ദാമോദരൻ സ്മാരക പുരസ്കാരം എം.മുകുന്ദന്
കണ്ണൂർ:ജവഹർലാൽ നെഹ്റു പബ്ലിക്ക് ലൈബ്രറി ആന്റ് റിസർച്ച് സെന്ററിന്റെ ഈ വർഷത്തെ സി.പി.ദാമോദരൻ സ്മാരക പുരസ്കാരം എഴുത്തുകാരൻ എം.മുകുന്ദന് നൽകും. പി.പി.ശശീന്ദ്രൻ, ഡോ.കെ.വി.ഫിലോമിന , എം.കെ.മനോഹരൻ എന്നിവർ ഉൾപ്പട്ട ജൂറി കമ്മിറ്റിയാണ് പുരസ്കാര ജേതാവിനെ തിരഞ്ഞെടുത്തത്. സി.പി.ദാമോദരന്റെ രണ്ടാം ചരമവാർഷികത്തിന്റെ ഭാഗമായി 26 ന് വൈകീട്ട് നാലിന് ജവഹർ ഓഡിറ്റോറിയത്തിൽ നടക്കുന്ന അനുസ്മരണ ചടങ്ങിൽ 25,000 രൂപ ക്യാഷ് അവാർഡ് ഉൾപ്പെടെയുള പുരസ്കാരം കെ.സുധാകരൻ എം.പി നിർവ്വഹിക്കുമെന്ന് ഭാരവാഹികൾ വാർത്താ സമ്മേളനത്തിൽ പറഞ്ഞു. കോർപ്പറേഷൻ മേയർ.അഡ്വ.ടി.ഒ.മോഹനൻ അനുസ്മരണ പ്രഭാഷണം നടത്തും. രാവിലെ 10.30ന് ജവഹർ ഓഡിറ്റോറിയത്തിൽ നടക്കുന്ന പരിപാടിയിൽ പ്രൊഫ . മുഹമ്മദ് അഹമ്മദ് പ്രഭാഷണം നടത്തും. വാർത്താ സമ്മേളനത്തിൽ ലൈബ്രറി വർക്കിംഗ് ചെയർമാനും കോർപ്പറേഷൻ മേയറുമായ അഡ്വ.ടി.ഒ.മോഹനൻ , എം.രത്നകുമാർ , മുണ്ടേരി ഗംഗാധരൻ , വി.പി.കിഷോർ എന്നിവർ സംബന്ധിച്ചു.