സമൂഹമാദ്ധ്യമങ്ങളിൽ വിദ്വേഷ പ്രചാരണം; 23 കേസുകൾ

കണ്ണൂർ: ഇക്കഴിഞ്ഞ ദിവസം പോപ്പുലർ ഫ്രണ്ട് നടത്തിയ ഹർത്താൽ കഴിഞ്ഞതിനു ശേഷം സാമൂഹികവിദ്വേഷം വളർത്തുന്ന തരത്തിലും ലഹള ഉണ്ടാകണമെന്ന ഉദ്ദേശത്തോട് കൂടിയും സമൂഹ മാദ്ധ്യമങ്ങളിലൂടെ സന്ദേശങ്ങൾ പ്രചരിപ്പിച്ചതിന് കണ്ണൂർ സി​റ്റി പൊലീസ് പരിധിയിലെ വിവിധ പൊലീസ് സ​റ്റേഷനുകളിലായി ഇതുവരെ 23 കേസുകൾ രജിസ്​റ്റർ ചെയ്തു.

കഴിഞ്ഞ അഞ്ച് ദിവസത്തിനിടെ കണ്ണൂർ ടൗൺ, ധർമ്മടം, മട്ടന്നൂർ, കൂത്തുപറമ്പ്, കതിരൂർ, കൊളവല്ലൂർ എന്നീ പൊലീസ് സ്​റ്റേഷനുകളിലായി രണ്ട് വീതം കേസുകളും കണ്ണപുരം, പാനൂർ, ചക്കരക്കൽ, കണ്ണവം, കണ്ണൂർ സി​റ്റി, ചൊക്ലി, വളപട്ടണം, ന്യൂ മാഹി, പിണറായി, മയ്യിൽ, എടക്കാട് എന്നി സ്​റ്റേഷനുകളിലായി ഓരോ കേസുകളും രജിസ്​റ്റർ ചെയ്തു. ഇത്തരം സന്ദേശങ്ങൾ നിരീക്ഷിക്കാനും അതിനുപിന്നിൽ പ്രവർത്തിച്ചവരെ കണ്ടെത്താനും പൊലീസ് പ്രത്യേകസംവിധാനം ഒരുക്കിയിട്ടുണ്ട്. ഇത്തരം കേസുകളിൽ അന്വേഷണം പൂർത്തിയാക്കി കു​റ്റക്കാർക്കെതിരെ അറസ്​റ്റ് ഉൾപ്പെടെയുള്ള നടപടികൾ സ്വീകരിക്കും.