കെംപഗൗഡ വിമാനത്താവളത്തിലേക്ക് ഹെലികോപ്ടർ സർവീസ്

ബെംഗളൂരു: ബംഗളൂരു നഗരത്തിൽ നിന്ന് കെംപഗൗഡ അന്താരാഷ്ട്ര വിമാനത്താവളത്തിലേക്ക് വേഗത്തിലെത്താൻ ഒക്ടോബർ 10 മുതൽ ഹെലികോപ്ടർ സർവീസ് ആരംഭിക്കും. ബ്ലേഡ് ഇന്ത്യ കമ്പനി ആരംഭിക്കുന്ന സർവീസിലൂടെ റോഡ് മാർഗം 2 മണിക്കൂർ എടുക്കുന്ന യാത്ര 15 മിനിറ്റായി കുറയും. ആഴ്ചയിൽ അഞ്ച് തവണയാണ് സർവീസ്. ഒരു തവണ അഞ്ചു മുതൽ ആറ് യാത്രക്കാർക്ക് ഹെലികോപ്ടറിൽ കയറാൻ സാധിക്കും. ഒരാൾക്ക് 3,250 രൂപയാണ് (നികുതി ഒഴികെ) ടിക്കറ്റ് ചാർജ്. പിന്നീട് കൂടുതൽ റൂട്ടുകൾ ആരംഭിക്കും.