മുംബയിൽ സീറ്റ് ബെൽറ്റ് നിർബന്ധം

മുംബയ്: നവംബർ ഒന്നു മുതൽ മുംബയ് നഗരത്തിലെ കാർ യാത്രക്കാർക്ക് സീറ്റ് ബെൽറ്റ് നിർബന്ധമാക്കി. ഒന്നാം തീയതിക്കു മുമ്പ് വാഹനങ്ങളിൽ സീറ്റ് ബെൽറ്റ് സ്ഥാപിക്കാൻ ഡ്രൈവർമാർക്കും ഉടമകൾക്കും നിർദ്ദേശം നൽകിയെന്നും നിയമം പാലിക്കാത്തവർക്കെതിരെ കർശന നടപടിയെടുക്കുമെന്നും പൊലീസ് ട്രാഫിക് വിഭാഗം അറിയിച്ചു. ബെൽറ്റ് ധരിക്കാത്ത യാത്രക്കാർ വാഹനത്തിലുണ്ടെങ്കിലും ശിക്ഷ ലഭിക്കും. ടാറ്റാ സൺസ് മുൻ ചെയർമാൻ സൈറസ് മസ്ത്രി വാഹനാപകടത്തിൽ മരിച്ച സംഭവത്തിന് പിന്നാലെയാണ് നടപടി.