മതിൽ ഇടിഞ്ഞുവീണ് 11കാരന് ദാരുണാന്ത്യം
Sunday 13 November 2022 1:31 AM IST
പൽഘർ: മഹാരാഷ്ട്ര പൽഘർ ജില്ലയിലെ ജവ്ഹറിൽ ബസ് ഡിപ്പോയുടെ ചുറ്റുമതിൽ ഇടിഞ്ഞുവീണ് 11 വയസുകാരന് ദാരുണാന്ത്യം. മറ്റൊരു ആൺകുട്ടിക്ക് പരിക്കേറ്റു. ഗുജറാത്തിലെ രാജ്കോട്ടിൽ നിന്ന് ബന്ധുക്കളെ കാണാനെത്തിയ കുട്ടികളാണ് അപകടത്തിൽപ്പെട്ടത്. കുട്ടിയുടെ മൃതദേഹം പോസ്റ്ര്മോർട്ടത്തിനായി സർക്കാർ ആശുപത്രിയിലേക്ക് മാറ്രി.
വ്യാഴാഴ്ച രാത്രി 8.30നായിരുന്നു അപകടം. മതിലിൽ ഇടിച്ച ബസ് പിന്നോട്ടെടുത്തതിനെ തുടർന്നാണ് ഒരു ഭാഗമിടിഞ്ഞ് സമീപത്തു നിന്നവരുടെ മേലേക്ക് വീണത്. സംഭവത്തിൽ ആരെയും അറസ്റ്റ് ചെയ്തിട്ടില്ലെന്ന് ജവ്ഹർ പൊലീസ് ഇൻസ്പെക്ടർ സുധീർ സാൻഘെ പറഞ്ഞു.