മേൽശാന്തി​യുടെ മൊബൈൽ അടി​ച്ചുമാറ്റി​, ക്ഷേത്രം ജീവനക്കാരൻ റി​മാൻഡി​ൽ

അമ്പലപ്പുഴ: നീർക്കുന്നം ഘണ്ടാകർണസ്വാമി ക്ഷേത്രം മേൽശാന്തിയുടെ മൊബൈൽ ഫോൺ മോഷ്ടിച്ച കേസി​ൽ താത്കാലി​ക ജീവനക്കാരൻ പിടിയിലായി. തൃശൂർ ചാലക്കുടി മാടപ്പറമ്പിൽ മഠത്തിൽ വീട്ടിൽ വാസുദേവനെയാണ് (47) അമ്പലപ്പുഴ പൊലീസ് അറസ്റ്റ് ചെയ്തത്.

ഫോൺ നഷ്ടപ്പെട്ടതായി​ മേൽശാന്തി​ അറി​യി​ച്ചതി​നെത്തുടർന്ന് ക്ഷേത്രം ഭാരവാഹികൾ സി.സി.ടി.വി പരിശോധിച്ചപ്പോഴാണ് വാസുദേവൻ ഫോൺ മോഷ്ടിക്കുന്നത് കണ്ടെത്തിയത്. തുടർന്ന് പൊലീസി​ൽ പരാതി​ നൽകുകയായി​രുന്നു. ഇയാൾ ജോലി അന്വേഷിച്ചാണ് ക്ഷേത്രത്തിൽ എത്തി​യത്. താമസിക്കാൻ വീടോ ബന്ധുക്കളോ ഇല്ലെന്ന് പറഞ്ഞതിനെ തുടർന്ന് ക്ഷേത്രം ഭാരവാഹികൾ തന്നെയാണ് ഇയാൾക്ക് ക്ഷേത്രത്തിൽ താമസിക്കാൻ അവസരം നൽകിയത്. വാസുദേവൻ മുൻപും മോഷണക്കേസുകളിൽ പ്രതി​യായി​ ജയിലിൽ കഴിഞ്ഞിട്ടുണ്ടെന്ന് പൊലീസ് പറഞ്ഞു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.