ചിരഞ്ജീവിയുടെ മകൾ ശ്രീജ മൂന്നാം വിവാഹത്തിന്
മകൾക്ക് സമ്മാനമായി 35 കോടിയുടെ വീട്
ചിരഞ്ജീവിയുടെ ഇളയമകൾ ശ്രീജയുടെ മൂന്നാം വിവാഹം ഉടനെന്ന് റിപ്പോർട്ട്. ശ്രീജയുടെ രണ്ട് വിവാഹബന്ധങ്ങളും പരാജയപ്പെടുകയായിരുന്നു. 2007 ൽ സിരീഷ് ഭരദ്വാജുമായായിരുന്നു ആദ്യവിവാഹം. എന്നാൽ 2011ൽ ഇരുവരും വേർപിരിഞ്ഞു.
സിരിഷിനെതിരെ മാനസിക പീഡനത്തിന് കേസ് ഫയൽ ചെയ്യകയും ചെയ്തു. ഇതിന് പിന്നാലെയാണ് ബിസിനസുകാരനായ കല്യാൺ ദേവുമായി ശ്രീജ അടുപ്പത്തിലാകുന്നത്.
2016 ൽ ബംഗ്ളൂരുവിൽ വച്ച് ആഡംബര പൂർണമായിരുന്നു വിവാഹം. എന്നാൽ ഇൗ വിവാഹവും നീണ്ടുനിന്നില്ല. ആദ്യ രണ്ട് വിവാഹങ്ങളിൽ ശ്രീജയ്ക്ക് രണ്ട് പെൺമക്കളുണ്ട്. എന്നാൽ അടുത്തിടെ ചിരഞ്ജീവി ശ്രീജയ്ക്ക് 35 കോടിരൂപ വിലവരുന്ന വീട് നൽകി . മുമ്പ് ഏക്കർ കണക്കിന് സ്വത്തുക്കൾ ചിരഞ്ജീവി പെൺമക്കളായ സുസ്മിതയ്ക്കും ശ്രീജയ്ക്കും നൽകിയിട്ടുണ്ട്. ആർ. ആർ.ആർ എന്ന ചിത്രത്തിലൂടെ ചിരഞ്ജീവിയുടെ മകൻ രാംചരൺ തേജ മലയാളത്തിനും പരിചിതനാണ്.