സന്നിധാനം പി .ഒ ശബരിമലയിൽ ആരംഭിച്ചു
യോഗി ബാബു , പ്രമോദ് ഷെട്ടി എന്നിവർ പ്രധാന വേഷം ചെയ്യുന്ന സന്നിധാനം പി .ഒ എന്ന ചിത്രത്തിന്റെ പൂജ മകര ജ്യോതി ദിനത്തിൽ സന്നിധാനത്ത് നടന്നു.തുടർന്ന് ചിത്രീകരണം ആരംഭിച്ചു. പ്രശസ്ത തമിഴ് സംവിധായകൻ വിഘ്‌നേഷ് ശിവൻ ഫസ്റ്റ് ക്ലാപ്പ് അടിച്ചു.സ്വിച്ച് ഓൺ തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ. അനന്തഗോപൻ നിർവഹിച്ചു .ശബരിമല പശ്ചാത്തലമായി ഒരുക്കുന്ന പാൻ ഇന്ത്യൻ ചിത്രം സംവിധാനം ചെയ്യുന്നത് രാജീവ് വൈദ്യയാണ്. ശബരിമലയും, അവിടെ ഡോളി ചുമക്കുന്നവരും, സന്നിധാനം പോസ്റ്റ് ഓഫീസും ആണ് കഥയുടെ പശ്ചാത്തലം.സർവ്വത സിനി ഗാരേജ്, ഷിമോഗ ക്രിയേഷൻസ് എന്നീ ബാനറുകളിൽ മധുസൂദൻ റാവു, ഷബീർ പത്താൻ എന്നിവരാണ് നിർമ്മാണം.തിരക്കഥ രാജേഷ് മോഹൻ , ഛായാഗ്രഹണം വിനോദ് ഭാരതി എ , സൗണ്ട് ഡിസൈൻ രംഗനാഥ് രവി, പ്രൊഡക്ഷൻ കൺട്രോളർ റിച്ചാർഡ് , ഡിസൈൻ ആദിൻ ഒല്ലൂർ . പി.ആർ.ഒ ശബരി.