സപ്താഹയജ്ഞവും ഉത്സവവും

Wednesday 18 January 2023 1:15 AM IST
t

ചാരുംമൂട്: വേടരപ്ലാവ് ചെറ്റാരിക്കൽ ദേവീക്ഷേത്രത്തിലെ സപ്താഹയജ്ഞം ഇന്നു മുതൽ 24 വരെ നടക്കും. പുനപ്രതിഷ്ഠ വാർഷികം 28നും മകരഭരണി തിരുനാൾ മഹോത്സവം 29നുമാണ്. മാവേലിക്കര ജയറാമാണ് യജ്ഞാചാര്യൻ. ഉണ്ണിക്കൃഷ്ണൻ നമ്പൂതിരി യജ്ഞഹോതാവും ചെന്നത്തല സോമൻ, കൊടുമൺ കലേഷ്​കുമാർ, പെരുമ്പുഴ സരുൺ എന്നിവർ പാരായണക്കാരുമാണ്. 21ന് വൈകിട്ട് അഞ്ചിന് വിദ്യാഗോപാല മന്ത്രാർച്ചന, 24ന് മൂന്നിന് അവഭൃഥസ്​നാന ഘോഷയാത്ര. പുനപ്രതിഷ്ഠാ വാർഷിക ദിനമായ 28ന് രാവിലെ ഏഴിന് ഭാഗവതപാരായണം,12ന് കഞ്ഞിസദ്യ, വൈകിട്ട് ഏഴിന് തിരുവാതിര, 7.30ന് നൃത്തനൃത്ത്യങ്ങൾ. മകരഭരണി ഉത്സവ ദിവസമായ 29ന് രാവിലെ ഏഴിന് ഭാഗവതപാരായണം, മൂന്നിന് കെട്ടുത്സവം, 7.30ന് ചെണ്ടമേളം, 12.30ന് നാടൻപാട്ട്​ഉറഞ്ഞാട്ടം.