മാത്യുവും നസ്ലനും നിഖിലയും വീണ്ടും
നസ്ളൻ, മാത്യു തോമസ്, നിഖില വിമൽ എന്നിവരെ പ്രധാന കഥാപാത്രങ്ങളാക്കി അരുൺ ഡി. ജോസ് സംവിധാനം ചെയ്യുന്ന 18+ എന്ന ചിത്രത്തിന്റെ ചിത്രീകരണം വടകരയിൽ ആരംഭിച്ചു.
ജോ ആന്റ് ജോയുടെ മികച്ച വിജയത്തിനുശേഷം ഇതേ ടീം വീണ്ടും ഒരുമിക്കുകയാണ്.അരുൺ ഡി. ജോസ് സംവിധായകനായി അരങ്ങേറ്റം കുറിച്ച ചിത്രം കൂടിയായിരുന്നു ജോ ആന്റ് ജോ. തണ്ണീർമത്തൻ ദിനങ്ങളിലൂടെ ഒരുമിച്ചവരാണ് മാത്യു തോമസും നസ്ളനും. റിലീസിന് ഒരുങ്ങുന്ന നെയ്മർ ആണ് ഇരുവരും ഒരുമിക്കുന്ന മറ്റൊരു ചിത്രം.ബിനു പപ്പു, സാഫ് ബ്രോസ്, മീനാക്ഷി, മനോജ് കെ. യു , ശ്യാം മോഹൻ, കുമാർ സുനിൽ, ബാബു അന്നൂ, ഉണ്ണിരാജ, പ്രിയ എന്നിവരാണ് മറ്റുതാരങ്ങൾ.ഫലൂദ എന്റർടെയ്ൻമെന്റ്സിന്റെ ബാനറിൽ നിർമ്മിക്കുന്ന ചിത്രത്തിന്റെ ഛായാഗ്രഹണം സതീഷ് കുറുപ്പ് നിർവഹിക്കുന്നു.
സംഗീതം,ബി.ജി.എം- ക്രിസ്റ്റോ സേവ്യർ.എ. ഡി. ജെ,രവീഷ് നാഥ് എന്നിവർ ചേർന്ന് തിരക്കഥ സംഭാഷണമെഴുതുന്നു. എഡിറ്റർ-ചമൻ ചാക്കോ,പ്രൊഡക്ഷൻ ഡിസൈനർ-നിമീഷ് താനൂർ,പ്രൊഡക്ഷൻ കൺട്രോളർ-ഷാഫി ചെമ്മാട്,കോസ്റ്റ്യൂം ഡിസൈനർ-സുജിത് സി. എസ്, മേക്കപ്പ്-സിനൂപ്രാജ്, പ്രൊഡക്ഷൻഎക്സിക്യൂട്ടീവ്- ശ്രീക്കുട്ടൻ ധനേശൻ, ചീഫ് അസ്സോസിയേറ്റ് ഡയറക്ടർ-റെജിവാൻ അബ്ദുൾ ബഷീർ. പി .ആർ. ഒ എ. എസ് ദിനേശ്.