ആഴിമല ശിവക്ഷേത്രത്തിൽ കാവ്യാർച്ചന

തിരുവനന്തപുരം: ആഴിമല ശിവക്ഷേത്രത്തിലെ ഉത്സവത്തോടനുബന്ധിച്ച് ശ്രേഷ്ഠഭാഷ മലയാളം സാഹിത്യവേദി ജില്ലാകമ്മിറ്രി കാവ്യാർച്ചന സംഘടിപ്പിച്ചു. സംസ്ഥാന പ്രസിഡന്റ് അജയൻ പാളയംകുന്ന് ഉദ്ഘാടനം ചെയ്തു. ജില്ലാസെക്രട്ടറി അരുമാനൂർ രതികുമാർ അദ്ധ്യക്ഷനായി. കവിയും ഗാനരചയിതാവുമായ കാര്യവട്ടം ശ്രീകണ്ഠൻ നായർ,​ ശ്രേഷ്ഠഭാഷ മലയാളം സാഹിത്യവേദി മുഖ്യരക്ഷാധികാരി അനിൽ വെൺകുളം,​ കവിയും നാടകകൃത്തുമായ മാങ്കോയിക്കൽ ചന്ദ്രൻ,​ ആഴിമല ശിവക്ഷേത്രം ട്രസ്റ്റ് ജനറൽ സെക്രട്ടറി എസ്. വിജേഷ്,​ ജില്ലാപ്രസിഡന്റ് സന്തോഷ് വട്ടപ്പാറ, സാഹിത്യവേദി ജില്ലാ ഭാരവാഹികളായ എസ്.മാധവൻ പോറ്റി,​ പ്രദീപ് തൃപ്പരപ്പ്,​ കിരൺ ബിസു, ഗായിക ജിഷ അനിൽ, എം.ശ്രീകുമാർ തുടങ്ങിയവർ സംസാരിച്ചു.