ആഘോഷ ചിത്രങ്ങളുമായി റായ് ലക്ഷ്മി
പരസ്യചിത്രങ്ങളിലൂടെ മോഡലായി ചലച്ചിത്രരംഗത്തു ചുവടുറപ്പിച്ച റായ് ലക്ഷ്മി യാത്രകളിലെ ആഘോഷ ചിത്രങ്ങൾ സമൂഹമാദ്ധ്യമത്തിൽ പങ്കുവച്ചു. സിനിമ തിരക്കുകളിൽ നിന്നു മാറി സ്പെഷ്യൽ ദിവസങ്ങൾ ആഘോഷമാക്കുന്നതാണ് റായ്ലക്ഷ്മിയുടെ രീതി. പിറന്നാൾ ദിനങ്ങൾ വിദേശത്ത് സുഹൃത്തുക്കൾക്കൊപ്പമാണ് ആഘോഷിക്കുക. തെന്നിന്ത്യയിലെ മറ്റു ഭാഷകളിൽ അഭിനയിച്ചതിനുശേഷമാണ് മലയാളത്തിലേക്ക് എത്തിയതെങ്കിലും ചുരുങ്ങിയ വേഷങ്ങൾ കൊണ്ടുതന്നെ ശ്രദ്ധേയയാകാൻ കഴിഞ്ഞു. അണ്ണൻതമ്പി, ചട്ടമ്പിനാട്, രാജാധിരാജ , ഒരു കുട്ടനാടൻ ബ്ളോഗ് തുടങ്ങിയ ചിത്രങ്ങളിൽ മമ്മൂട്ടിയോടൊപ്പം അഭിനയിച്ച ലക്ഷ്മി മോഹൻലാലിനൊപ്പം റോക്ക് ആൻഡ് റോൾ, ക്രിസ്ത്യൻ ബ്രദേഴ്സ്, കാസനോവ, അറബിയും ഒട്ടകവും മാധവൻനായരും തുടങ്ങിയ ചിത്രങ്ങളിൽ വേഷമിട്ടു. ഇപ്പോൾ മലയാളത്തിൽ അഭിനയിക്കുന്നില്ലെങ്കിലും തമിഴിലും തെലുങ്കിലും കന്നടയിലും സജീവമാണ് .